سؤاااااااااااااااااااااااااااااااااااال

هذا السؤال موجه لمن يعارض الإعتصام :
هل تعارض إستقلالية القضاء ؟
هل تعارض تحرير الإعلام ؟
هل تعارض محاسبة القناصة ؟
هل أنت مع تأجيل آخر للإنتخابات ؟
هل أن راض على أداء الهيئة العليا التي تسعى للتطبيع مع إسرائيل ؟
هل سألت نفسك حقا لماذا تعارض هذا الإعتصام ؟
الحجة الأولى الحكومة ما خذاتش وقتها :
==> الحكومة خذات أكثر من وقتها و ما شفنا حتى بادرة حسن نية من عندها بالعكس كيف خذات وقتها بلاش صغط مالشارع ولينا نشوفو فيها ولات تتحدى في المطالب متاع الشارع الي هي جات أصلا باش تستجيبلها !
الحجة الثانية : الإقتصاد ؟
على آنا إقتصاد تحكي ؟ إقتصاد الي رهنونا في قروض باش نقعدو نخلصو فيها من هنا لأبد الآبدين بالرغم كانو ينجم يعملو دورة على الدول الي تسالنا يطلبو إلغاء الديون متاع بن علي و يطلبو هبات مش قروض و الدول ما كانتش باش ترفض لأنها مطالبة بعدم الديمقراطيات الحديثة كيما ديما يقولو و زيد في تونس و قت الثورة و بعدها الشعب كان متحمس باش يخدم بلادو حتى بلاش ! وقتها كان من الواجب إنو نستغلو الطاقة هذه موش نفشلوها كيما عملت الحكومة !
الحجة الثالثة : نستناو بعد الإنتخابات باش المطالب هذه الكل تتحقق !
كان باش تستنى للإنتخابات ! إيجا تبعني في حاجة صغيرة ! المبزع ماو تجمعي ؟ حطلنا الهيئة المحنونة إلى إسمها طويل حطهم هو !! موش إختارهم الشعب ! و مالهيئة المحنونة هاكي إختارو في بعضهم 16 واحد قلك هاذم باش ينظمو الإنتخابات ! و حطو القوانين و عملوو كيف ما حبو ! سؤال ! الجماعة هاذم منين جابو شرعيتهم ؟ موش البزع التجمعي هو الي حطهم ؟ إي معناتها سي المبزع موش باش يحط عباد ممكن تحاسبو نهار آخر على أساس إنو كان تجمعي و مناشد قبل ! يعني كان باش تستنى الإنتخابات راهي مالأخر في لخر قاعدين يفصلو فيها على مقاسهم
الحجة الثالثة : هاو قالو فمة أحزاب داعمة التحرك هذا !
===> ينعبو والدين بو الأحزاب و الأيديولوجيات !! حل مخك ! إستقلالية القضاء هذا مطلب يخدم النهضة و لا يخدم التوانسة الكل ؟ كيف كيف تحرير الإعلام هذا مطلب يخدم الشيوعيين و لا يخدم التوانسة الكل ! مطلب محاسبة القناصة ! آه هذا إستنى إستنى ما يكون كان في مصلحة حزب آفاق و لا حزب الوطن !
يا ناس فيقو أعرف آش يلزمك و شنوة الي في مصلحتك قبل ما تحكم عليه !!